Pita
Share on facebook
Share on twitter
Share on linkedin
Share on whatsapp
Share on telegram
Share on skype

Pita

Father’s Day Special  ❤

Juda hai jinse mera naam

Jinke aashirwaad se bane kaam ,

Unke haath pakadkar chalna seekha 

Mushkil ghadi mein khush rehna seekha .

 

Khud neeche rehkar mujhe upar khada kiya

Jo na maanga woh bhi diya ,

Jagat ki jise na koi moh maya 

Aise adarsh pita ka mujh par saaya .

 

Kabhi ghoda kabhi sher aur kabhi bante haathi 

Toh kabhi chanda mama fir lakadi ki kathi ,

Samhal lete mujhko jo kadam dagmagaye

Is nannhi jaan mein uski nas nas samaye .

 

Beete kuch baras sambhala maine hosh

Pal pal unhone badhaya mera josh ,

Bin bataye bhi sab hai pata

Khushiyon ko meri taraf modne mein laga.

 

Bachpan mein peeche aur ab mere saath rehte

Sankat ki ahat se pehle khud ko agey kar lete ,

Kaha se chukaunga aapka yeh ehsaan 

Bohot ucha hai aapka pad pratishtha aur samman.

 

Bachpan mein hasate the par aaj milkar haste

Tab haath mein toffee aur ab hein khaste ,

Khilono se lekar kitaabon ka safar guzar gaya 

Lag gayi naukri mein doosre sheher chala aaya .

 

Mata pita hein zaruri mere 

Apne paas le aya na ki deri ,

Jagmaga utha ab ghar ka kona 

Ab yaad mein nahi padega rona .

 

 

– Har Deepansh Bahadur Sinha 

Share on facebook
Share on twitter
Share on linkedin
Share on whatsapp
Share on telegram
Share on skype

Leave a Reply

Your email address will not be published. Required fields are marked *

Recent Vichars

Related Vichars