Corona ek Sabak
Share on facebook
Share on twitter
Share on linkedin
Share on whatsapp
Share on telegram
Share on skype

Corona ek Sabak

Based on Covid19 – from nature’s eye 

Prakrati ki vichitra maaya

Koi aajtak suljha na paya ,

Kathinaiyon se sampoorn yeh saal

Kahi aag kahi rakt se mitti laal .

 

Vishwa mein agrasar hogayi mahamari

Na thi samajh aur na tayari ,

Samast manavta ka simit gaya basera

Jaanwaron ka peediyon bad hua sawera .

 

Maveshi kar rahe shehron ki saer

Manushyon ke tham gaye hain paer ,

Shrishti ka aisa anokha chitra 

Kya tumhe pehle dekha hai mitra .

 

Santulan ka karna chahiye tha satkaar 

Na hota manav jaati ka bahishkaar ,

Bahar agaye jo abhi tak sehme the praani

Kaano mein jaati ab chidiyon ki vaani .

 

Betahasha pedo par lade hein aam

Beche kaise aur lagaye kya daam ,

Chalti hai hawa atyant sunehri 

Bageeche mein khil khilati gilhari .

 

Insaniyat par toota ghanghor keher

Soone pad gaye sare sheher ,

Manhoosiyat tale jo daba sansaar 

Palak jhapakte doobe sare karobaar .

 

Ab dikhti hein gauraiya aur sadak par hiran

Jeev jantu hein azaad aur mann mein umang ,

Chotiyon par barf aur jug mein hariyali 

Pradushan mukt vayu aur nadiyan lagti nirali .

 

Insaan ko samajhna hoga apna dharm

Samay mila hai sudhaar lo apne karm ,

Usko na tarsao woh hai maa humari dharti 

Jo vinashak roop apnaya niklegi sabki arthi .

 

Chaar diwaari mein bandhan ka drishya 

Chet jo gaye sambhal jayega bhavishya ,

Behad dayalu hai apni vasundhara 

Prem se uska hriday bhara .

 

Beete chand mahine ne  bohot sikhaya 

Zarurat aur lobh mein antar dikhaya ,

Choor kar diya usne humara ghamand 

Jab mila hume atyant prachand dand .

 

Door hogayi saari galatfehmi 

Jab apni apni rooh sehmi ,

Apne haath mein hai apna prakash 

Anyatha sheegrah hojayega humara vinash .

– Har Deepansh Bahadur Sinha

Share on facebook
Share on twitter
Share on linkedin
Share on whatsapp
Share on telegram
Share on skype

Leave a Reply

Your email address will not be published. Required fields are marked *

Recent Vichars

Related Vichars